公屋新入伙鐵閘疑裝錯邊 鎖頭方向相反極難開 事主呻：開到隻手抽筋！

日前有新入伙的公屋戶發文，大呻其單位的鐵閘疑被錯誤安裝，樓主透露：「Day 1果日我問主任係咪裝錯方向。真係勁難開...隔離左右又唔係咁」。照片可見，涉該單位的鐵閘是由右往左拉開，然而裏面的木門鎖頭位置卻竟然落在左方，導致住戶開鎖時方向完全相反，操作極其不便。樓主直指：「開到隻手抽哂筋都開唔到」。

閱讀更多：港人獲派東涌公屋 陷搬離馬鞍山世紀兩難 過來人列3大痛點勸退：揀錯害子女一世

樓主在留言補充事件後續：「之後主任叫工程部上黎睇,，師傅話佢地無裝錯,，仲叫我落樓上樓下睇，又真係全部都係咁」。

不少人直指有關設計「十分反智」：「極佳防盜功能」、「一睇就知裝錯啦 ，大門鎖同鐵閘鎖同一方向架嘛」、「見唔到門鎖！一係安錯門？一係安錯閘」、「急尿趕返屋企都唔知點算」、「裝嗰個師父都冇用腦」、「穿過閘先開門，鎖完閘再穿手去鎖門」、「木門裝錯咗，木門匙孔應該係跟鐵閘鎖匙方向」。有部分網民表示自己家中亦面臨同樣狀況：「彩雲一邨尾房都係咁裝」、「細房單位係咁裝」。更有眼尖網民指出，鐵閘左面其實設有鉸位，只要「拉到盡再向外拉」便能露出木門鎖頭。