《逆天奇案2》張雷相隔17年再亮相TVB劇集!劇情講述服刑廿多年的賊王石少波(張雷飾),竟然在刑期最後一個月時逃獄,Nic Sir(黃智賢飾)在調回CIB工作的阿Wing(林夏薇飾)協助下,發現少波(張雷飾)藏身之所,可惜在追捕過程中發生意外,被少波(張雷飾)成功逃脫。今晚(23日)一集將會揭露賊王少波(張雷飾)逃獄真相,結局更是令人意想不到,密切留意今晚播出的《逆天奇案2》。
延伸閱讀:逆天奇案2劇情|全30集劇透懶人包(持續更新中)危機四伏!陳展鵬/黃智賢/林夏薇/蔣祖曼攜手破奇案
張雷參演《逆天奇案2》前,在劇集《神鵰俠侶》飾演「金輪法王」而為人熟悉,對上一次亮相TVB劇集已是17年前的《蕭十一郎》,今次相隔多年再度演出《逆天2》,令觀眾大感驚喜。問到張雷為何今次願意參與《逆天2》,張雷受訪時說:「監製同編審打電話畀我同我講故仔,我聽完之後覺得幾好玩,咁咪應承拍兩集囉!」問到有否戲癮?張雷笑言:「其實出面一直都拍緊嘢,網劇、電影都有參與,梗係有戲癮啦,最好TVB搵多啲我拍劇!」
分享保健之道:Keep住做運動+食足幾十年長齋
現年69歲的張雷武打演員出身,今次張雷劇中有不少騷Quali場面,分別是街頭追逐和半裸舉啞鈴晒爆肌場口,不過對張雷來說卻是Easy Job,張雷笑言:「呢個角色真係啱晒我,又要有啲年紀,又要有啲動作戲,又要有文戲。」張雷分享保健之道:「平時唔使開工都會Keep住做運動,多數喺黃昏時候做,會先跑幾公里做熱身,之後玩吓啞鈴、掌上壓、Sit Up咁練吓體能,有時亦會打吓沙包、打吓拳、打吓功夫咁,加加埋埋都差唔多2個鐘。食方面我都幾清淡,因為我食咗幾十年齋㗎喇。」