《家族榮耀之繼承者》昨晚（16日）播出的第四集高潮所在，絕對是丘智斌（羅子溢飾）被揭出是守義（羅嘉良飾）二房太太邵家碧（張鳳妮飾）的親生兒子，當年守義為爭奪家族話事權，才將剛出生的智斌與守義正室戴綺婷（余安安飾）誕下的芷嵐（梁靖琪飾）調包！全晚焦點，自然落在張鳳妮及羅子溢身上，據知今晚第五集二人將有兩場「戲勢逼人」的超感人母子相認戲，萬勿錯過。
延伸閱讀： 家族榮耀之繼承者劇情｜全30集劇透懶人包（持續更新中）豪門上演大惡鬥 佘詩曼/林峯/羅子溢/羅嘉良
闊別螢幕長達28年才有「復出」作品的張鳳妮，是次出山原因是總監製梁家樹親自邀請，而她亦成功成為劇集亮點之一，除了因為鳳妮繼經典劇集《天地男兒》後、相隔28年再與撈家（羅嘉良）合作，因而引爆《天地男兒》集體回憶外；近日不少網民還翻出鳳妮昔日靚相與《家族榮耀之繼承者》做對比，大讚現年57歲的鳳妮保養得宜、氣質特別：「女人味十足，很有風情」、「很有觀眾緣，年輕時很有靈性」、「凍齡有術」，又大讚鳳妮在第三集的晚裝扮相明艷照人。談到獲讚凍齡，鳳妮笑言感恩媽咪遺傳了好基因，並坦言自己保養方法很簡單：「我媽咪皮膚好好，到70歲都仲係皮光肉滑、冇雀斑。如果問我自己嘅保養心得，我諗我係因為飲水飲得多，同埋盡量冇乜飲凍嘢，通常飲衡溫嘢。同埋都有Keep住做吓facial同運動。」
談到與撈家相隔多年再合作，鳳妮大讚對方演技已達爐火純青境界：「我覺得佢啲戲真係愈嚟愈好，佢嘅戲好有深度，你睇吓佢唔需要講對白，一個仰頭、一個摸眼鏡，已經做好咗個反應，真係好佩服佢，佢啲戲冇得彈。有場我印象最深嘅戲，係佢聽到律師宣布爸爸（江華）委託皓兒（佘詩曼飾）做代主席，其實佢可以做好多反應，但佢淨係一個反應岳高頭兩秒、然後挨低，就算我哋現場睇playback，都覺得好有戲。」談到撈家被批在劇中「斷崖式衰老」，鳳妮力撐造型合乎劇情：「佢個造型啱個角色呀，佢要管理咁大間公司，應該係要同日日嘻嘻哈哈過日子嘅Benz哥唔同。再加上佢個仔（子溢）耐唔耐整一啲嘢出嚟令佢好頭痛，佢嘅日子真係唔算好順意，個人自然會蒼老啲，所以個造型好啱佢呀。」
