陳凱琳曬透視薄紗裙Look疑真空上陣 無懼再挑戰老公鄭嘉穎底線：又爭啲俾人話啦

2013年港姐冠軍陳凱琳（Grace）與視帝老公鄭嘉穎於2018年結婚後，先後誕下三個可愛囝囝，不過Grace的身材仍然keep得相當fit，近年轉型做KOL的她更不時以性感打扮示人，獲得大量網民關注其好身材及幸福的家庭生活。

Grace前日（27日）又在社交平台上載多張性感靚相，見她穿上粉色薄紗裙，中門大開，更疑似「真空上陣」，相當火辣！不單止網民睇到嘩嘩聲，連Grace自己都覺得這個造型很性感，暗指被老公鄭嘉穎「投訴」：「出門口嘅時候又爭啲俾人話啦，不過都係少少性感啫⋯唔好放錯重點。」其實Grace已經不止一次透露過被老公大呻着太少，但Grace似乎次次都無懼挑戰老公底線，最近po出的靚相更是越來越性感！而許多網民也擔心連生三子的她身形愈來愈瘦削，會否有健康問題。