前日（4日）香港遭逢暴雨，各區都受水浸情況影響，不少因事需紅雨外出人士，座駕都因水浸而死火。其中將軍澳更成重災區，工業邨的水浸問題猶如黃河泛濫，除了露天停車場逾百車被浸至半個車身，連環保大道的車輛都行至一半死火。前港姐冠軍謝嘉怡開車回TVB時險被困將軍澳，從其IG限時動態分享的影片可見，前方有兩部白色車輛疑因死火而停在路中心，而其中一輛白色寶馬更是半個車身浸於積水中，此事登上央視新聞！今日（6日）蔡潔在IG發文自爆自己正是這輛車的車主，笑言愛車「威」過自己。
不過蔡潔的愛車已救不回來，她心痛宣告：「我架小白光榮退休啦！我會記得開住你到處走嘅日子，多謝你陪住我返工放工，唔開心嘅時候會匿埋係你度聽歌聽幾個鐘，你又車過我好多巨星朋友。」她也有分享這兩天的心路歷程：「那天回到公司已經喊到豬頭咁🥲好多謝所有慰問我嘅朋友，同埋樂小姐，大家都好熱心咁睇下有無嘢幫到我，人間有愛！尊san拯san話，因為你架車救咗後面無數架車啊，如果真係咁樣，都總算值得啊！多謝拯救我的消防員哥哥，你們辛苦了⋯⋯最後，過咗兩日先回到魂，多咗一種人生經歷，同埋最緊要係，大家都平平安安。」
